Entorn al fòc

Entorno al fòc se canta
entorno al fòc se varda
entorno al fòc se parla
se dis come la va.
Boia de ‘na minestra; bòi, bòi, bòi!

Se smorza ‘na fìamèla
se n’ piza ‘n tòc de zoca
se tira ‘n qua la boza
e se sta lì a vardar.
Boia de ‘na minestra; bòi, bòi, bòi!

Se pensa a la morosa
a nossa pôra mama
se’n piza n’altra fiama
che la va drita al cor.
Boia de ‘na minestra; bòi, bòi, bòi!

Fòr da la fìnestrela
se vede do casoe:
montagne tute rote
che le sta lì a cucàr.
Boia de ‘na minestra; bòi, bòi, bòi!

Su per la capa nera
‘na fila de comete:
per tute ‘ste lumete
se se pòl desmentegar.
La bòie!!!